Enn af ófærð

Jæja, það eru enn fréttir af ófærð og nú vegna vatnavaxta.Þjóðvegur nr. 1 fór í sundur við Svignaskarð á sunnudagskvöld sem betur fer vað ekki slys. Við þetta lengdist verulega vegalengdin í Borgarnes fyrir mig, ég átti að mæta á skyndihjálparnámskeið á Dvaló mán. og þri. kvöld og vinna morgunvakt þri. Ég er að verða mjög latur ökumaður fyrir utan hvað það er orðið dýrt að keyra að ég fór niður eftir á mán. kvöld og kom aftur á þri kvöld. Það er von að húsbóndinn segi að ég sé aldrei heima.

Það er ekki laust við að 110% vinna sé farin að taka af manni svolítinn toll, ég nenni engu fyrir utan vinnu og að reyna að halda heimilinu í einhverju horfi. Ég hef mig varla í að fara að sjá pabba í sígaunabaróninum í Borgarnesi þó svo að allir segi að hann sé mjög góður, en nú verð ég að drífa mig um helgina ef ekki er orðið uppselt.

Bless í bili.

Athugasemdir

[Magnea Kristleifsdóttir (IP-tala skráð) 20.2.2008 kl. 19:36]

Já það er þó nokkuð að vera í 110% vinnu með þrjú börn.  Það getur ekki gengið til lengdar.  En þú verður nú að fá miða á baróninn. Á ekki Íris líka eftir að fara ?

[Auður Margrét, 21.2.2008 kl. 12:06]

Jú Íris ætlar um helgina.