Vorverkin

Jæja þá er hið íslenska sumar hafið þ.e. sumardagurinn fyrsti liðinn og kominn maí. Rollurnar farnar að bera á fullu, fuglasöngur allstaðar og flærnar farnar að narta í mig (alveg ómissandi vorboði).

Það er merkilegt með allt sem er að gerst að það þarf alltaf að vera á sama tíma. Kringum sumardaginn fyrsta var fyrst grillveisla fyrir starfsmenn DAB voða gaman. Daginn eftir var afmæli hjá Kristleifi Heiðari og veisla hjá Guðnýju frænku svo daginn þar á eftir leikhúsferð með Varmalandsgenginu, sáum Brák og skemmtum okkur mjög vel. Svo er ekkert á dagskrá næstu mánuðina.

Heilsuleysi fjölskyldunnar heldur áfram,ég er búin að vera veik alla síðustu viku, fór til læknis á föstudag og fékk pensillin og Trausti Leifur fékk líka skammt í 10 daga. Núna liggja þau öll heima með hita enn. Þetta er víst enn einn vorboðinn.

Jæja hætt að væla og vola í bili.

 

Athugasemdir

[Guðný Bjarna, 7.5.2008 kl. 19:35]

..Auður mín... það virðist allt vera gert með stæl á þínu heimili....... og vonandi verður upprisan úr þessu heilsuleysis-bæli ykkar líka með stæl

..hugsa til þín og læt mig dreyma um að koma einhverntíma í heimsókn og kynnast almennilega krakkahópnum þínum... verða svona frænka sem sest upp í nokkra daga

[Maren, 10.5.2008 kl. 12:24]

Batakveðjur í kotið...