Gleðilega páska

Jæja þá eru að koma páskar, það er mis mikið um frí hjá fólki, þeir sem eru í mörgum vinnum eru t. d. bara í frí annan í páskum(ég sjálf). Ég varð svolítið pirruð þegar ég fann það út að ég væri að vinna páskahelgina því ég vann líka helgina milli jóla og nýárs, en það þýðir ekkert að vera að væla ég réð mig í vaktavinnu og ég verð bara að taka því sem að höndum ber þar sem og annarstaðar.

Ég fór með fjölskylduna á sýningu á Þið munið hann Jörund í Logalandi í gærdag. Flott sýning og mjög lifandi. Inger dóttir mín rúmlega 2 ára var ekki alveg á því að sitja kyrr og vildi helst taka þátt í gleðinni á sviðinu, foreldrarnir voru í fullu starfi við að reyna að halda henni á áhorfendasvæðinu alla sýninguna. Þegar svo var komið út í bíl hljómaði Arí dúarídúradei hátt og snjallt úr aftursætinu, þannig að eitthvað hefur síast inn af sýningunni. Kannski er litla prinsessan bara upprennandi leikkona eins og fleiri ættingjar, allavega er hún prímadonna. Bræðurnir voru mun settlegri þó þeir hafi aðeins smitast af veseni prinsessunnar.

Bestu kveðjur úr Brennunni.

Athugasemdir

[Guðný Bjarna, 18.3.2008 kl. 20:40]

blessuð frænka

..það er sama ástandið hér...bæði hér að vinna alla páskana frekar fúlt en svona er vaktavinnan..

.... prinsessan vill greinilega frekar vera á sviðinu en á áhorfendapöllum...

...bestu kveðjur...

[Ásdís (IP-tala skráð) 20.3.2008 kl. 14:33]

prinsessan lætur hafa fyrir sér... gera það ekki allar alvöru prinsessur... prisnssessur þurfa líka að láta ljós sitt skína....

[Magnea Kristleifsdóttir, 22.3.2008 kl. 16:51]

Já það kæmi ekki á óvart þó að hún verði einhverntímann á sviðinu sjálf. En bræður hennar luma líka á ýmsum hæfileikum.  Kv. amma í Köben.